.okaun. .junpen. no'u la .telesan. / OKAŬ Ĵunpe aŭ Telesa / OKAU Junpe eller Telesa / 大川純平 テレサ

ni'o mi troci lo nu fanva la'e lu
di'e se cusku vau ei ro'e gije ja'o ai ro'e se cusku
li'u lu'u noi se finti la se'yn ki'ykykod zi'e noi se tcidu fi la'o zoi http://sks.dk/DSS/txt.xml zoi

ni'o lu

di'e se cusku vau ei ro'e gije ja'o ai ro'e se cusku

ni'o detri fa li pabimuvo pi'e pare

ni'o ei ro'e de'e se cusku
i mi bigygau no da lo nu zukte lo simsa
i mi na catna la'e di'u
i ku'i do fau lo nu co'a jimpe de'e cu binxo lo fuzme
i je ko fuzme gije zukte fau lo nu ai darlu ciksi la'e de'e fi'o zvati lo cevni
i la'a ru'e da co'a jimpe de'e ja'e lo nu zukte lo se cusku be mi
i je la'a ru'e de co'a jimpe de'e ja'e lo nu jimpe lo du'u la'e de'e cu zabna lo cevni kei kei je lo nu ai jarco lo ka sinma lo cevni ta'i lo nu zvati lo nu pe'a co'a krixa te cu'u mi
i lo nu go'i kei je lo nu go'e na cinri mi
i cinri mi fa po'o lo nu ei ro'e de'e se cusku

ni'o di'e se cusku vau ei ro'e gije ja'o ai ro'e se cusku

ni'o fi'o na'e vajni lo nu do dunli ma kau poi prenu kei fi'o na'e vajni lo nu do jmive ta'i ma kau poi srana lo drata kei doi lo mi pendo do'u do mu'ei lo du'u (to mu'ei lo du'u do ta'e zvati mu'ei lo du'u drata tcini) do sisti lo nu zvati lo catni ke xismalsi nunmanci be fi lo cevni be'o poi jai cabna (to fau lo nu jinvi lo du'u xriso co remoi xi'ocku toi) roroi madzei fuzme pa da je ku'i pa da poi mutce zi'e ku'i poi mleca
i ki'u bo do na zvati lo nu ckasu lo cevni fau lo nu te cmene fi lu
xriso co remoi xi'ocku
li'u fe na'e bo lo xriso co remoi xi'ocku

ni'o fau tu'a di'u (to re'e doi lo cevni
i a'o re'e fasnu fa lo se djica be do doi lo nunpa'i poi tolselfa'o toi) mi ca mo'u cusku
i da'i se pi'o lo ka prije ju'o nai ru'e kei ku pe lo nu djuno sai fi lo tcini cu jinvi lo du'u pijrai fa lo nu mlugau fi lo nu na'e vajni
i ku'i mi ca ba'o cusku
i je la'a ru'e da poi cabna ca ba'o cirko
i ki'u bo lo prenu ka'e cirko fau lo nu na cusku kei ji'a
i go'i mu'ei lo du'u tcini fa lo nu za'u so'o prenu cu djuno lo se djuno be mi giju mutce kei je lo nu no da cusku kei sa'u kei ra'u
i fi'o tcini la'e di'u cu se nitcu fa po'o pa da poi prenu ku'o je da poi lo se cirko ku'o je pa da poi cusku
i je ca ku de'u ba'o se cusku ju'i

ni'o ni'o detri fa li pabimumu pi'e mu

ni'o ie la'e de'u tcini
i lo catni ke xismalsi nunmanci be fi lo cevni be'o (to fau lo nu jinvi lo du'u xriso co remoi xi'ocku toi) cu jitfa cmene ckaji ma'i lo xriso
i ku'i doi do noi fadni xriso do'u do te sidbo fi di'u na vau su'a
i do stace ju'o sai
i do ta'e sai krici lo du'u ro da cnici kei je du'u xriso co remoi xi'ocku
i lo ka jitfa cmene ckaji kei bi'u nai cu tai jicmu ja'e lo nu zasti fa lo xismas terbe'e ku ji'a sai poi ta'i lo nu stace cu jmive gije se tcica fi tu'a lo la'a nai du'u ro da cnici kei je du'u xriso co remoi xi'ocku
i fau ki'u lo nu lo ka jitfa cmene ckaji cu ze'a lo xacna'a cu se krefu kei lo xriso fi'o te zenba lo toltce cu binxo fe ju'o lo dukti be lo se ke remoi xi'iocku
i ja'e bo mi rapsku di'e
i di'e se cusku vau ei ro'e
i do (to mu'ei lo du'u do ta'e zvati mu'ei lo du'u drata tcini toi) mu'ei lo du'u do sisti lo nu zvati lo catni ke xismalsi nunmanci be fi lo cevni be'o poi jai cabna ro roi madzei fuzme pa da je ku'i pa da poi mutce zi'e ku'i poi jdika
i ki'u bo do na zvati lo nu ckasu lo cevni

ni'o ckape fa lo so'e mei fi'o se pruce tu'a do poi lifri lo nunkanji be lo ka vitno
i piso'i lo mintu cu se cusku lo xismas terbe'e ku ka'u
i ku'i ri tolmo'i lo nu tavla je jai kajde fi pa da poi ckape zi'e no'u lo nu co'a ja ca'o se ke banli ke nunga'e tcica gau lo jecta je lo xismas terbe'e noi jai tcica lo prenu lo nu xriso ju'o
i ja'o ko cikna pe'a
i je ko jundi lo nu do na zukte fi lo nu nurgau lo vitno ta'i lo nu zvati lo ke cnino madzei ke'e u'e nai
i ko cikna pe'a
i je ko viska lo crane vau pe'a
i ro do ka'e ju'o sai smadi lo du'u lo nau tavla na tavla te zu'e lo nu jerna lo jdini
i go'i ki'u lo nu se cu'u lo jetmau cu cirko lo jdini
i ji'a go'e lo nu na tavla te zu'e lo nu jai se salci ja se manci
i go'i ki'u lo nu fau lo nu djica co'a se tcini lo dukti
i ku'i ji'a fi'o tcini la'e di'u do ka'e jimpe lo du'u la'e di'u se smuni lo du'u ei ro'e do jundi

li'u