.okaun. .junpen. no'u la .telesan. / OKAŬ Ĵunpe aŭ Telesa / OKAU Junpe eller Telesa / 大川純平 テレサ

ni'o mi de'i li renopapa pi'e papa pi'e pabi bau lo banjupunu pu ciska di'e noi se cmene lu
zgike co se nitcu fi lo nu jmive
li'u
i lo bujin krakcon zgike cu ta'e se tinju'i ca lo nu mutce badri kei vau pe'i
i je la'e di'u mapti lo cnino selsa'a ku ji'a
i go'i lo re mei be fi ro ri

ni'o la'e di'e za'u re'u srana lo bi'u nai cnino selsa'a be la bujin krakcon
i ua i'u lo voksa be la suzukin cu xamgu
i lo nu voksa cu te rango lo xadni
i je ja'e bo ra ta'i lo sampu cu jarco lo ka prenu
i ra cnigau lo ka prenu
i je ja'o ra krigau
i je bo mutce sai lo ka melbi

ni'o lo selkarni be la kiniobin bei me'e lu
lo ikuxocan girzu noi savru bacru fi'o se srana lo nunctu jectadji senlanli selsku be lo ve ke ci va'e ckule
i lo senlanli nunsnu be la takaxacin ciron noi claxu lo jicmu
li'u cu xamgu
i lo ciska tadji ne la nonakan daikin ge'u ku ji'a xamgu

ni'o bu'u la okinauan noi bratcapau fu'e
lo iaeiaman pagbu ke nunctu cukta cuxna kamni (to la tamatsun xirokatsun noi icigakin ke nunctu terbe'e cu te bende toi) de'i li bi pi'e reci na selpligau lo jalge be lo nunlanli be lo ctuca gije ba lo nu casnu ze'i lo po'o mentu be li mu cu cuxna lo kluce'u nunctu cukta pe la ikuxocan noi ckupra kagni gije ckini la tsukurukain noi girzu [to'i girzu lo ka troci lo nu ckupra lo nunctu cukta poi mlegau lo nu pu gunta jamna fa lo gugdejupu toi]
fu'o ti'e

i fi'o te frati la'e di'u lo ve ke ci va'i ckule cu benji lo selci'a be me'e lu
lo ua nai balvi be lo rolcmizvatrusi'o be la iaeiaman
li'u la iaeiaman mainitcin noi djekarni be de'i li so pi'e pa

ni'o lu
la icigakin torun noi cmima lo tcadu flakamni zi'e noi ckina la jiminton noi jecxlube'e cu cusku lo du'u lo selci'a li'o ku bi'u nai ke selsi'a ctuca senlanli selsku ke'e ti'e
i la'e di'u se smuni lo du'u li'o la tamatsun xirokatsun noi nunctu terbe'e pu te bende fi lo iaeiaman ke ci va'e ckule
i ku'i lu
lo nu na cusku senlanli lo selsi'a ctuca cu se bilga vau xu i'e nai
li'u joi lu
ra'u lo nu xu kau ke tolsi'a ctuca ke'e ka'u cu se pajni lo se ctuca vau ka'u
li'u co'a cafne ke tolsi'a se cusku lo xabju

ni'o fi'o steci lo ka mutce fi'o te steci lo drata cu ckaji lo ka xlali fa tu'a la takaxacin ciron noi ctuca bu'u la meisei noi vo va'i ckule
li'u
[to'i di'u te sitna la cukan kiniobin be de'i li pare pi'e so fi'o papri lo xa moi toi]

i la takaxacin ciron noi fi'o te ciska la niponynoibukin be de'i li papa be'o noi karni ku'o se ja'e lo nu srera jimpe pu cusku te mabla lo ve ke ci va'e ckule cu me la'e lu
nunta'a tolzau
i na djica lo nu zukte lo nuncki se fuzme ku ka'u kei vau za'a
li'u

i lu
ta'o la takaxacin ciron cu cmima lo stidi be tu'a lo rirni nuntadni ku ti'e
i ri va'o lo nu zenba lo klani fa lo rirni noi fanza po'o lo vanbi prenu ku'o kei ti'e se finti gije nunctu fi lo rirni vau ti'e
i ku'i lo nu da'i la takaxacin ciron cu junri lo nu ctuca lo rirni noi claxu lo kampu selju'o cu xajmi
i la takaxacin ciron ku ju'o lidne fi lo nu selctu kei vau ei
li'u
[to'i di'u te sitna la cukan kiniobin be de'i li pare pi'e so fi'o papri lo xa moi toi]

ni'o lo citno prenu cu cusku e'u sai lo selji'i be ri vau au