te frica lo nu sruma lo nu ca'a zukte

ni'o ni'o la .icixaran.cintaron. goi ko'a pu za'u re'u se cuxna te zu'e lo nu binxo lo jatna be la .tokion. noi bratca

ni'o la .xondan.katuitin. noi mi sinma cu ciska tu'a ko'a noi pu ciska lo lidne prosa pe lo cukta be fi la .icikauan.bunion. be'o noi srana lo nunjamna bu'u la vietnamion. noi gugde

.i ko'a fi'o se spaji la .xondan.katuitin. cu ciska lo du'u ko'a bu'u lo stuzi pe lo turni jenmi pe la .saigon. pu zukte fi lo mu'e ceclygau lo xarci fa'a lo stuzi pe loi fapro jenmi ja bo xabju kei noi la .icikauan.bunion. cu xanka fanta ke'a

.i la xondan.katuitin. cusku lu

mi ba la'e de'u klama lo fapro stuzi te zu'e lo nu djuno fi lo nuzba
.i ja'e bo va'o lo nu na'e mutce frica fa lo tcika je lo stuzi cu cumki fa lo nu mi se catra be lo danti noi la .icixaran.cintaron. cu ceclygau fi ke'a
.i la'a la'e di'u na xanri po'o

.i li'o la'a la .icixaran.cintaron. cu cenba na je zenba lo ckaji noi vi se jarco
.i binxo lo ralju cmima be lo girzu noi zanru lo purci ke .iapanion. gunta nunjamna ku'o gije stidi lo du'u la .iapanion cu ponse lo ratni nejni xarci li'o li'u
to ciska fo la .cukan.kiniobin. noi jefkarni be de'i li renopapa pi'e vo pi'e bi toi

.i la'e de'u na'e srana lo verba nu kelci
.i ko'a cu cusku lo du'u ko'a zukte fi lo mu'e ceclygau lo zasti xarci noi catra lo prenu

.i lo'e verba ka'e kelci gije ka'e sruma lo du'u catra lo prenu kei gije ku'i ca'a na catra lo prenu gije po'o tarti tai lo'e makcu gije po'o troci lo nu jimpe tu'a lo'e makcu

.i ku'i ko'a tai lo nu kelci ba'u cu zukte fi lo ceclygau lo zasti xarci
.i ko'a na kakne lo nu se xanri lo si'o ca'a catra lo prenu kei gije ka'e xalbo lo nu zukte fi lo mu'e ceclygau

.i lo'e verba poi se vanbi lo nu na se bapli fa lo za'i sonci na ca'a catra lo prenu gije ki'ubo kelci gije se xanri lo si'o catra lo prenu
.i ku'i ko'a na kakne lo nu racli pensi tai lo'e verba kei gije fi'o se simlu lo ka kelci ba'u cu zukte fi lo nu zasti catra

ni'o lo nabmi cu srana lo vi lisri bi'unai po'o na je ji'a lo se jinvi be fi lo nu jamna

.i ko'a darlu lo'e catra gije na kakne lo nu se xanri fa tu'a lo'e se catra ja lo'e se gunta

.i ko'a na kakne lo nu se xanri lo zasti gije fi'o se simlu lo ka kelci ba'u ka'e zasti catra lo prenu gije fi'o se simlu lo ka kelci ba'u na kurji lo kulce'u ruble
.i ju'osai pei bilga lo nu na'e catnygau lo tai prenu

ni'o ku'i lo tai prenu cu fadni gije fi'o se simlu lo ka kelci ba'u catnygau lo prenu be tai ko'a
.i lo prenu poi na se xanri tu'a lo'e se catra ku'o fi'o se simlu lo ka kelci cu ranjygau tu'a lo gundi be lo xarci gije ranji sidju lo .usonon. noi gugde fi lo nu catra lo prenu ca lo nu jamna

.i la'a na zukte fi lo nu catra lo prenu gije na se xanri lo si'o catra lo prenu kei gije ja'e bo xalbo lo nu cuxna lo fadni ti'e prenu

.i .e'u va'o lo nu na'e zukte fi lo nu catra cu sisti tu'a lo gundi be lo xarci be te zu'e lo nu catra lo prenu

.i .e'u va'o lo nu na djica lo nu pensi lo gundi be lo xarci cu pante tu'a lo gundi be lo xarci gije cuxna lo turni jansu


ni'o mi jinvi lo du'u ca lo turni cuxna cu cuxna da poi prenu zi'e poi xamza'u lo drata va'o lo nu na banzu xamgu fi lo cuxna
.i rarna ba'u fa lo nu na zasti fa da poi prenu ja trusragri zi'e poi se tugni lo cuxna fo ro da poi cuntu

.i vrici fa lo jimte be lo cuxna bei lo ka te zabna
.i ro te cuxna cu bancu lo jimte .i seju .eipei facki da poi xamza'u ju cmalu va'o lo nu pa da po'o xamgu kei vi lo de poi te cuxna gije cuxna de

.i mi ca lo vi tcadu jansu nuncu'a ki'u lo nu ka'e cuxna fi re prenu po'o pe re trusragri noi mi to'e tugni pu nandu ba'u jdice lo du'u ciska pa ja no cmene

.i mi va'o ku'i na'e se cinri gije cinmo lo kampu be lo'e na cuxna co'a jinvi lo du'u bilga lo nu fanta lo pruce be fo lo nu barda tcana zbabu je lo drata kei be ri'a pa trusragri
.i ku'i loi xabju be lo bu'u tcadu na pu cuxna lo prenu noi mi cuxna

.i ku'i .eipei va'o lo nu cumki fa lo nu loi cuxna cu cuxna lo prenu noi xlarai cu cuxna lo drata te zu'e lo nu na'e cuxna lo prenu noi xlarai


ni'o ni'o la'e di'e pu se karni gije vamji pe'i lo nu jundi

ni'o pa lo te cuxna be lo .tokion. bratca jatna be'o noi jai se stidi la .iapanion. kaurpo'esi'opre trusragri de'i li renopapa pi'e ci pi'e rexa ca lo nu jarco cusku vi lo klaji cu jibni se klama lo prenu noi bevri lo dakfu
.i lo prenu bi'u nai noi ku'i lo pluji cu kabvu cu cusku lo du'u dukse lo ka cladu fa lo nu jarco cusku bi'unai
to .sankein. nuzba de'i li renopapa pi'e ci pi'e rexa toi

ni'o bu'u lo briju pe pa lo te cuxna be lo .totorin. bratca kamni cmima be'o noi cmima la .iapanion. kaurpo'esi'opre trusragri ku'o de'i li renopapa pi'e vo pi'e bi cu facki lo du'u te mrilu lo tepygau xatra je lo dakfu
.i lo xatra cu ve cusku lu ko fliba li'o li'u
to .akaxatan. djekarni de'i li renopapa pi'e vo pi'e so fi'o paprsfe lo pamu moi toi

ni'o ja'e bo mi jimpe fi lo nu na'e djica lo nu se cuntu fa lo turni platu cuxna

.i ku'i .au lo prenu va'o lo nu na'e zukte lo zmadu cu pensi makau noi prenu ja kulce'u zi'e poi gasnu lo nu tepygau fa lo turni platu cuxna ku'o gije ca'a cuxna lo ba jansu