.okaun. .junpen. no'u la .telesan. / OKAŬ Ĵunpe aŭ Telesa / OKAU Junpe eller Telesa / 大川純平 テレサ

ni'o ve cu'u la .kiniobin. poi jefkarni de'i li renopapa pi'e vo pi'e pamu cu sitna fa la .satakan.makoton. la biton. takesin. no'u la .kitanon.takesin.

lu mi pu ve .universiteton. ckule fi lo zbaske gije ja'e bo mutce nelci lo nu tavla fi lo ratnejni
.i mi ca lo cabdei ba'o vitke lo ratnenfanri be bu'u la .nigatan. .kasiuazakin.
.i ri mi cinri uisai li'u
je lu loi pante be tu'a lo ratnenfanri ta'e cusku lu va'o lo nu loldesku gije daspo lo ratnejni vasru kei ma fasnu .i'i li'u
.i ku'i ja'o lo ratnenfanri zo'u tezu'e lo za'i snura va'o lo nu loldesku cu jundi bredi ju'o fi'o se karbi lo drata dinju
.i ja'e bo la'a zo'o ra va'o lo nu loldesku cu traji lo ka snura marbi
.i ku'i lo cnino ke saske tadji zo'u lo nu krixa pe'a cusku lu ckape li'u tai la labno nanla cu se zabna lo'e nuzba karni prenu li'u

.i ri gasnu lo nu mi pensi lo vrici

ni'o la .kiniobin. bi'unai pe lo vi jeftu cu karni lo liste be lo'i prenu je se pilno be lo nejni kagni bei lo nu jarco lo ka zabna lo ratnenfanri
.i je lu'a lo'i se liste cu cmene lo prenu noi ciska tezu'e tu'a la .kiniobin.
.i je la'e di'u mi spaji

.i va'i la .kiniobin. cu na'e randa cusku tu'a lo ri pendo ji'a
.i se ji'u bo mi fau lo ku'i nu cafne fa lo nu naljdi lo du'u di'i minde terve'u la .kiniobin. cu djica lo nu sarji ri