.okaun. .junpen. no'u la .telesan. / OKAŬ Ĵunpe aŭ Telesa / OKAU Junpe eller Telesa / 大川純平 テレサ

ni'o di'e xe fanva lo pagbu be la'e lu
lo terbi'a poi jai se jalge lo nu morsi
li'u lu'u noi se finti la antin klimaks no'u la se'yn ki'ykykod

ni'o lo remna cu ckaji lo ka ce'u pruxe
i ku'i lo pruxe cu ckaji ma
i lo ka ce'u sevzi
i ku'i lo sevzi cu ckaji ma
i lo ka ce'u terki'i gije ckini vo'a
i lo sevzi cu ckaji lo ka ce'u terki'i kei na je ka ce'u nu lo terki'i cu ckini vo'a
i lo remna cu ckaji lo ka ce'u nunynafselsi'u lo ka ce'u cimni kei joi lo ka ce'u tolcimni kei je lo zasni joi bo lo vitno je lo ka ce'u zifre kei joi bo lo ka ce'u selni'i
i ke'u to'u ckaji lo ka ce'u nunynafselsi'u
i lo nunynafselsi'u cu terki'i gije srana lo remei
i fi'o zgana la'e di'u lo remna cu ckaji lo ka ce'u sevzi kei na

ni'o lo terki'i poi srana lo remei cu cimoi gije nalzau pamei
i lo remei bi'unai cu ckini lo terki'i
i je go'i ta'i lo nu simxu lo nu ckini
i fi'o tadji la'e di'u mu'ei lo nu jdice tu'a zo menli kei lo terki'i poi ke'a srana lo menli joi lo xadni cu terki'i
i je ku'i mu'ei lo nu lo terki'i cu ckini vo'a kei ri cimoi gije zanru gije ckaji lo ka ce'u sevzi kei

nio lo terki'i poi ke'a ckini vo'a ku'o ku bi'unai no'u lo sevzi cu jdice tu'a vo'a gijo nai jai se jdice fi'o tadji lo drata

ni'o lo terki'i poi ke'a ckini vo'a zi'e poi jai se jdice fi'o tadji lo drata cu cimoi vau ie
i je ku'i lo terki'i ku bi'unai no'u lo cimoi bi'unai cu terki'i bi'u gije ckini lo jdice be tu'a piro terki'i

[to'i di'u te sitna la'o zoi

http://sks.dk/SD/txt.xml (Første Afsnit. A. A.)

zoi gije xe fanva fo lo bandu'anu toi]

ni'o  lo prenu cu ckaji lo ka ce'u mixre lo natfe simxu gije ja'o va'i me lo terki'i poi srana lo natfe simxu

i ja'o lu
lo terki'i cu ckini vo'a
li'u se smuni lu
lo prenu cu ckini vo'a
li'u

ni'o fi'o fasnu lo nu ckini kei lo ckini lo se ckini cu mintu na
i mu'ei lo nu lo ckini goi ko'a lo se ckini goi ko'e mintu kei ji'asai fi'o fasnu lo nu ko'a ko'e ckini kei ko'a ko'e mintu na
i mi tigni fi lo du'u fi'o cumki ku zo sevzi noi se cusku cu srana lo du'u ckini fa lo se sevzi lo na'e mintu be lo se sevzi

i ja'o cumki fa lo nu se ctuca