turni tadji

ni'o mi co'a se cinri lo turni tadji fau lo mu'e gunta bu'u la .usonon. de'i li renonopa pi'e so pi'e papa
.i lo jatna be la .usonon. bei ca la'e di'u be'o no'u la djodj.buc. fi'o se friti lo bi'unai mu'e gunta cu jdice lo du'u gunta la .afganion.
.i mi jijnu lo du'u la'e di'u xlali fi lo marde
.i je ku'i mi na ka'e birti je cusku
.i ja'e bo mi xanka tu'a mi

ni'o ba bo mi co'a jimpe lo du'u lo citri na cfari fau lo bi'u nai mu'e gunta de'i li renonopa pi'e so pi'e papa

.i ua dai so'i sai .palestinon. prenu pu lo bi'u nai mu'e gunta cu se catra ki'u tu'a la .usonon.
.i la .briton. cu mipri nupre fi loi xebro fe lo nu cfari fa lo gugde be lo xebro
.i je lo xrabo prenu poi pu xabju bai barkla gije ji'a se gunta la gugyxebro se pi'o lo xarci pe la .usonon.
.i la'e di'u fenki

.i se gunta se pi'o lo xarci pe la .usonon. ki'u lo nu lo xebro cu xlura lo turni nu cuxna bu'u la .usonon. kei no'u tu'a lo va'i cuntu bu'u la .usonon.

ni'o ji'a srana lo drata be lo .palestinon. nabmi
.i ua dai la .usonon. vi so'e pagbu be lo terdi tai la'e da'u ki'u tu'a lo ba'u cuntu be bu'u la .usonon. cu damba kansa gija sarji lo steci girzu
.i ua dai la .usonon. zo'u lo xarci gundi cu vajni lo jdini ciste

.i ja'o rarna
.i ma'i lo se catra cu venfu .i ju gugde jo nai natmi jo nai sivni gunta

ni'o ku'i fau lo nu gasnu catra so'i ba'u prenu ne'i lo drata gugde kei loi .usonon. ke turni cuxna se krali cu na se cinri tu'a lo drata gugde
.i je fau lo nu bu'u la .usonon. cu se gunta cu se spaji gije basna lo ve xrani

ni'o lo nu ba'o catra la .usaman.bin.laden. zo'u la .barak.obaman. cu cusku lo du'u xamgu fi lo marde
.i ku'i lo mintu logji cu srana loi ji'a jinvi be di'u
.i je ua nai ku'i loi jinvi na sanji la'e di'u
.i la .barak.obaman. je la djodj.buc. cu traji palci ju'o
.i je ku'i mi na jinvi lo du'u sidju fa lo nu cecla catra la .barak.obaman. ja la .djodj.buc. kei fi lo nu xaurgau lo tcini

ni'o nabmi fa tu'a lo prenu poi sarji la .barak.obaman. ja la .djodj.buc. ja lo simsa
.i darlu loi catra fa mi'o ji'a poi turni cuxna se krali bu'u la .iapanion. gije sarji fo lo mu'a nu sabji lo jeizda je lo sonci zdani kei fe lo nu la .usonon. cu drata tutra jamna

ni'o .i .e'a pei na djuno gija na se cinri
.i ie pei fraxu fa lo'e darlu be lo se catra

ni'o lo nu jamna pu lo nanca be li zeno zo'u mi'o jinvi lo du'u fuzme fa lo po'o jenmi kei je lo du'u mi'o pu se tcica
.i ie pei krefu

ni'o .a'o pe'u do'u gasnu lo do'a nai nu mi'o na catra