turni krati nuncu'a

ni'o vajni nabmi la .iapanion. fa lo nu so'u po'o prenu poi se krali lo nu cuxna lo turni krati ca'a zukte lo nu cuxna

.i da'i lo xadba be ro cuxna selkrali cu zukte lo nu cuxna .i je la'e di'u cu xamgu ma'i

.i cafne fa lo nu mi ji'a na djuno makau cu tercu'a

ni'o ja'e bo mi stidi la'e di'e

.i ro tercu'e cu ciska fi lo pinka be fi ro drata tercu'e

.i je ji'a ciska lo danfu be ro pinka be fi lo drata tercu'e

.i va'o lo nu zasti lo'i re bi tercu'a cu ciska re ze pinka be re ze drata tercu'a

.i la'a pe'i lo pinka pelji cu simsa fi lo ka barda fe lo djekarni papri

.i je la'a parbi lo paprsfe lo tercu'a prenu fa fi'u pa

.i ja'e bo va'o lo nu zasti fa lo'i re bi tercu'a cu cupra lo fi'o paprsfelai li re bi lo'o djekarni pe'a

to va'o lo nu jinvi lo du'u dukse lo ka se raktu lo nu ciska tu'a ro tercu'a cu gasnu lo nu ro trusragri je ro prenu poi na cmima lo trusragri cu ciska fe tu'a ro drata trusragri je ro drata prenu poi na cmima lo trusragri toi

.i ba bo lo cukta cu se mrilu fi lo cuxna selkrali

ni'o ca ca'o tcini fa lo nu lo tercu'a cu krixa cusku lo po'o cmene gije klama fo lo dargu lo karce

.i je lo pelji poi ro ba cuxna cu cpacu cu vasru lo cmalu po'o selsku be lo tercu'a

ni'o pe'i vajni nabmi fa lo nu cmalu fa lo klani be lo prenu poi zukte lo nu cuxna

.i je mi jinvi lo du'u bilga lo nu pilno lo cteki te zu'e lo nu xaurgau lo ca tcini kei ta'i lo nu cupra lo bi'u nai djekarni pe'a

.i ku'i na birti lo ni ba prali