.okaun. .junpen. no'u la .telesan. / OKAŬ Ĵunpe aŭ Telesa / OKAU Junpe eller Telesa / 大川純平 テレサ

di'e selsku mi ne'a lo ikedan rentcana dinju de'i li so sepa'u la'e lu lo nunsaurgau be de'i li so li'u lu'u pe la ikedan ke somoi flalu bende
to xe fanva fi lo banjupunu toi


i lu

coi mi'e la telesan no'u la okaun junpen zi'e noi xabju la uxexikedan

ni'o lo verba cu cuxna lo tcini be lo nu ri jmive kei naku ka'e
i ju'oru'e tcini tu'a lo verba gije traji lo ka xlali ri kei vau fa lo nunjamna
i pei ie go'i
i za'a dai bu'u ri lo prenu cu se catra
i dai lo sevzi ku ji'a se catra
i lo makcu cu catra lo verba
ija lo makcu cu gasnu lo nu lo verba cu catra
i go'e gije go'i vau bu'u lo nunjamna

ni'o lo so'i jecra'abe'e cu zukte fi lo nu galfi lo nunje'a flalu
i somoi flalu sepa'u ri fa lo ve cusku be lo du'u jamna naku gije se jenmi naku
i lo nu galfi lo somoi flalu cu nu ai se jenmi gije jamna ka'e mu'ei

ni'o lo gugdejupu cu gunta jamna pu zi lo nanca be po'o li ji'izeno ja li ji'ibino

ni'o ju'oru'e lo nu frati lo nunjamna srana lo nunjamna srana cu me lo seltra noi se jalge lo nunjamna ka'e
i pei ie go'i

ni'o ca lo prula'ima'i lo gugdekupu cu zukte fi lo nu cecla lo jakne
ije lo gugdejupu cu zukte fi lo nu cecla daspo lo bi'unai jakne mu'ei gije va'i frati lo nunjamna srana
i ku'i cecla lo jakne fa lo gugdejupu ku ji'a pu ca
i ji'a la jicmu ke kensa flalu cu ve cusku lo du'u lo nu kensa favgau cu srana lo ti'e nu nunynu'a gasnu
ije ji'a lo flalu be tu'a la kensa ke tadni je favgau ke'e bende zo'u lo cabna turni cu troci lo nu vimcu lo pagbu noi srana lo nu kensa favgau ku'o no'u lu tezu'e lo po'o panpi li'u
i va'i zukte fi lo nu gasnu lo nu pilno lo nu kensa favgau kei lo nunjamna srana ta'i lo nu tolmipri
i ckape fa lo gugdejupu
i ri sidju je kansa lo gugde'usu noi pamoi fi lo ka nunjamna srana ku'o gije terve'u lo xarci
i lo nunjamna srana selyle'i noi se cmene lu nunbandu selyle'i li'u cu rupnu lo voji'i picti
i lo gugde noi me la'e di'u zukte fi lo nu ke'u pilno lo nu kensa favgau kei lo nunjamna srana
i ji'a djica lo nu co'a te flalu fi la mipri ra'irgau flalu noi flalu lo nu sfasa lo jungau be fi lo jecta selmipri je ji'a lo na'e gugde teryle'i no'u lo nuzbykagni teryle'i
i ji'a zukte fi lo nu galfi lo nunje'a flalu noi se pagbu lo somoi flalu noi ve cusku lo du'u jamna naku
i pensi lo du'u la'e di'u te jinvi makau lo drata gugde kei nagije tolzansku tu'a po'o lo mu'a gugdekupu vau fa lo i'enai sevzi kurji dukse tarti ku ju'o
i go'i fa ri pei ie

ni'o temci lo prula'i nunjamna lo cabna fa lo nanca be li ji'izeno
i ku'i mi jinvi lo du'u binxo lo panpi ba lo nunjamna kei naku
i ca ku lo gugdejupu cu jamna pendo lo gugde'usu gije se zvati lo gugde'usu jeizda gije gasnu lo nu ri se pilno lo gugde'usu jenmi lo nunjamna

ni'o lo kagni zo'u se cusku fa tu'a lo nu gugykruca jivna kakne
i ku'i lo nunjvi cu srana lo nunji'e gije ja'ebo ckape lo nunji'e be lo drata ka'e
i lo kagni cu gugykruca tezu'e lo nu djica tu'a lo tolkargu gunka kei pu ca
ije ku'i ju'oru'e la'e di'u se vamji lo nu se cnemu naku
i pei ie go'i

ni'o bu'u lo ckule lo ctuca cu bilga lo nu sanga lo gugde selsa'a noi srana lo nunjamna ma'i
ije tu'a la'e di'u se jarco fi lo verba
i la'e di'u noi bebna cu se gasnu la xacimoton tolun

ni'o se cusku fa tu'a lo nu tinbe fi lo minde
i ku'i pe'i lo nu basna di'u cu jenmi tadji
i tinbe fi lo minde gije ja'ebo catra lo prenu vau bu'u lo bi'unai nunjamna

ni'o ji'a lo nu morsi sfasa kei noi nu lo jecta cu catra lo prenu cu ranji ca ca'o vau i'enai

ni'o ro la'e di'u tcini to'e xamgu lo verba vau pe'i

ni'o lo verba cu nitcu lo nu vlile pe'a

ni'o lo verba cu nitcu lo nu fengu lo tadji be tu'a lo cabna cecmu

ni'o tezu'e lo nu lo verba cu vlile pe'a ka'e kei lo nunjamna cu se rivbi eicai giju se sisti eicai
i ju'oru'e la'e do'anaicai di'u se gasnu lo makcu ka'e seva'u lo verba
i pei ie go'i

li'u