lo mi selcusku .au cu barda sai

ni'o la lojban goi ko'a cu ze'a se casnu .ai .i mi ca pu cilre fi ko'a ze'a lo nanca be li pa

.i pamo'o ciksi .ai tu'a ko'a .i .ia traji lo ka steci be ko'a fa lo stura be lo gerna

.i mu'a bau ko'a pilno lo valsi po'u zo vecnu tezu'e lo nu cusku lo du'u vecnu kei ja lo du'u te vecnu
.i mintu lo nu da vecnu ti mi kei je lo nu mi te vecnu ti da
.i zo vecnu cu se smuni lo te ckini be fi lo vecnu ja lo se vecnu ja lo te vecnu ja lo ve vecnu

.i va'o lo nu gasnu lo nu zo fa lidne lo sumti po'u lu lo vecnu li'u kei ja lo nu zo fe lidne lo sumti po'u lu lo se vecnu li'u kei ja lo nu zo fi lidne lo sumti po'u lu lo te vecnu li'u kei ja lo nu zo fo lidne lo sumti po'u lu lo ve vecnu li'u kei kei lo tadji be lo nu le'i valsi cu porsi cu se galfi kei je lo nu lo smuni na se galfi

.i va'o lo nu jmina zo se jonai zo te jonai zo ve zo vecnu kei lo stura ji'a be lo gerna cu se galfi

.i va'o lo nu gadri zo vecnu ja lu se vecnu li'u ja lu te vecnu li'u ja lu ve vecnu li'u kei lo sumti cu se zbasu

.i la'e di'u te ckire sai

.i mu'a la esperantos zo'u nandu .ueru'e fa lo nu jimpe fi lo te ckina be la substantivos bei la verbos
.i mu'a vi lo samstu be lo nu samci'eta'a be'o pe la'e zoi lernu! zoi noi mi pu ze vitke fi ke'a ba lo clani temci be lo nu prula'i vitke ku'o pu casnu makau poi smuni la verbos poi se binxo la substantivos po'u zoi birdo zoi noi se smuni lu lo cipni li'u to lo nu xukau lo nu cipni kei ja lo nu simlu lo ka cipni kei cu smuni toi .i za'a ka'e vrici fa loi seljimpe be lo selbangu to zoi http://eo.lernu.net/komunikado/forumo/temo.php?t=7924 zoi toi

.i ji'a mu'a lo nixon bangu zo'u zoi kaimonon zoi ka'e se smuni lu lo ba'e se tervecnu li'u ja lu lo ba'e nu tervecnu li'u

.iku'i bau la lojban lo smuni be lo valsi cu mintu

ni'o tu'a lo drata steci be ko'a se cusku .ai .i mu'a zo zdile je zo zarci je zo nuntervecnu   vau poi porsi ku'o zo'u lo du'u xukau se smuni lu zdile fa tu'a lo zarci li'u jonai lu zdile fa lo nu tervecnu li'u kei ka'e te jmigau .ije naku lo tadji be lo nu lo'e valsi cu porsi cu se galfi .i pa tadji be la'e di'u cu pilno zo ke ju zo ke'e

.i la'e di'u se jalge lo nu ka'e zbasu lo jufra noi ba'e na cumki fa lo nu srera lo nu jimpe ke'a .iju lo tadji be lo nu lo'e valsi cu porsi cu ba'e mutce lo ka se galfi kei ja lo nu lo jufra cu ba'e mutce lo ka pluja

ni'o ku'i ba lo nu tadni ko'a ze'a lo nanca be li pa mi co'a jimpe lo du'u ko'a na bangu poi prane

.i lo'i gismu cu se kancu fi li paki'o je so'o .i la'e di'u cu xamgu .iku'i tezu'e lo nu zbasu loi lujvo kei lo nu ba'e so'iroi casnu cu sarcu pe'i .i va'o lo nu ba'o jdice tu'a lo lujvo kei lo drata pinka cu tolcanci ju'o baku .i noda logji nibli lo nu cuxna lo steci valsi poi se mixre lo lujvo ku'o gije gasnu lonu lo lujvo cu smuni da .i la'e di'u se jalge lo nu cumki fa lo nu na jimpe lo smuni be lo lujvo poi se sanji

.i ji'a lo noi nabmi noi cmalu ku'i fi'o se karbi la'e di'u ku'o zi'e po'u lu dukse lo nu lerci kei fa lo nu galfi ke'a li'u ti'e tolcnici je lo cfipu vu'o cu zasti .i mu'a zo se fa'u zo ve fa'u zo xe binxo zo sel fa'u zo vel fa'u zo xel vu'o noi ve jmina lu l li'u va'o lo nu zbasu lo lujvo .iku'i zo te binxo zo ter noi ve jmina lu r li'u .i la"e di'u cu na cnici

.i lu damri liste li'u cu binxo lu da mriliste li'u va'o denpa ba zo da to va'o lo nu basna zo da toi .i va'o lo nu na basna zo da kei lu da mriliste li'u cu smuni

ni'o loi jbopre sepe lo seljinvi cu virci za'a .i zu'u zasti fa lo jbopre noi cafne fa lo nu ke'a cusku lu dukse lo nu lerci fa lo nu galfi li'u .i zu'unai zasti lo jbopre noi stidi lo nu galfi lo gerna be ko'a .i zu'u zasti lo jbopre noi troci lo nu gasnu lo nu ko'a nutli lo kulnu .i zu'unai zasti lo jbopre noi troci lo nu gasnu lo nu ko'a melbi fi lo bangu

.i mi djica lo nu ko'a binxo lo bangu poi gugykruca .i ku'i ko'a bangu noi trina pe'i .i ju jinvi tu'a lo gugykruca

.i u'esai ka'e zbasu lo jufra poi tolcumki fa lo nu srera lo nu jimpe ke'a

.i ju'o lo nu cilre ko'a cu sidju fi lo nu zmadu fi lo nu ni jimpe lo drata bangu to ji'a lo pamoi bangu be lo cilre toi

ni'o la'e di'u ba'o se cusku tezu'e lo nu jungau fo la lojban .ije di'e cu selcasnu poi ralju ku'o be lo vi selkarni

ni'o zasti so'i platu bangu .iji'a zasti lo bangu poi se zbasu tezu'e lo nu ke'a binxo lo gugykruca .i mi na djica lo nu kusru loi prenu poi cilre le bangu poi nalralju .i mi na ka'e cilre ro le bangu .iku'i mi cinmo lo ka kansa be lei cilre noi vlipa .i pe'i lei cilre be le bangu poi cnino be'o djica lo nu zukte da poi drata tu'a la esperantos .i .ainai cfari fa lo nu lei cilre cu se cinri la esperantos .i ku'i va'o lo nu lei cilre cu se raktu tu'a le bangu lo dukse be lo ka barda kei la esperantos noi se tarmi pa lo'i terlcuxna cu se sanji .au lei cilre .i pe'i lo nu la esperantos cu ranji cu se vamji fi la'e di'u po'o da'i .i .ie ma'i lo clani temci la'e de'u tadji lo nu gasnu lo nu la esperantos cu slabu loi prenu

ni'o pu ca xusra lo du'u nabmi fa lo nu la esperantos cu ni nutli .i pu ca telmabla cusku lo du'u loi prenu pe la esperantos cu simlu lo ka girzu be fo lo lijda .iku'i ze'a lo nanca be li pareno pu ca ranji fa lo nu loi prenu pe la esperantos cu troci lo nu gasnu lo nu la esperantos cu slabu .i la'e di'u cu banli .i lo poi selplatu ku'o so'i lingvo pu ca se finti .i ku'i vajni pe'i fa lo nu la esperantos na ba'o se galfi

.i selja'e ku mi fapro lo nu galfi lo gerna be la esperantos .iku'i a'ucu'i la'e da'u mu'a po'u lo tadji be lo nu gasnu lo nu zoi birdo zoi binxo zoi birdus zoi kei je lo nu la substantivos binxo lo verbos ku'o mi zanru .au ro'i .i se mukti lo nu zoi estas zoi cu dukse lo ka europos pe'i

ni'o lo nu ca'o lo nu cilre la esperantos ja la lojban kei pensi ju'i makau noi nutli cu vajni pe'i

.i vi lo vi kulce'u noi lo nu tolpainu'i cu cafne ku'o tadji be lo nu jmive be'o poi vrude .ia ku'o fa lo nu pensi makau poi bangu poi nutli .i ju na ka'e xlura so'i prenu be vi lo vi kulce'u lo cimde poi barda

.i .ia banzu vrude fa lo nu pensi makau poi smuni lo nu ro prenu cu se vamji lo mintu vi lo kulce'u

.i lu ku'i vi cedra lo nu lo jdapre po'u lo seljibri cu zmadu lo gunka poi sidju ku'o be vi lo malsi be'o lo ka se vamji lo tolmutce kei je lo nu ro prenu cu tarti be lo nu ba'e jgira ga'i gije jikca lo drata prenu li'u
to sitna fi'e la .ioxanes.klimaks. po'u la seren kirkegor ku'o lu lo pesyske spisa li'u toi

.i .aucu'i da sinma mi .iku'i va'o lo nu lo verba co'a senpi tu'a lo tadji be lo nu loi prenu poi srari cu te vamji kei kei lo verba co'a facki .au lo nu da drata tadji be lo nu te vamji .i mi jinvi lo du'u lo nu mi jmive cu se vamji fi la'e di'u po'o da'i