lo te sitna be la cukan kiniobin noi jefkarni

i mi pu klaku ca lo nu tsidu lo se ciska be la kitaxaran minorin be'o no'u di'e

i lu

lo verba pu pilno lo fagrikca'a gije jai rinka lo snuti nu jelca gije se ri'a bo mrobi'o i la'e di'u krinu cfari tu'a lo javni [to'i javni lo nu vecnu lo po'o fagrikca'a poi lo nu pilno ke'a na'e frili lo verba toi] i a'o lo bi'u nai betri cu sisti lo nu fasnu i ku'i mi na jimpe lo du'u ki'u ma kau jmina fi lo nu cusku lu lo fagri cu ckape li'u kei fe lo nu javni tu'a lo fagrikca'a

ni'o ca lo nu ca lo nu senpi cu sisku tu'a lo drani kei mi ganse lo ka lo vrici cu srera sai kei ze'u sai lo nu xabju lo i'u gugde [to'i gugdejupu toi] i ma ka snura i ma tadji lo nu gasnu lo nu lo kluce'u cu jai bu'u jmive kufra i ki'u ma ca ca'a ku mi cu pe'a vasxu cortu

ni'o pu za ku la nodan yocixikon noi turni lo gugdejupu ca lo nu zvati lo rolgu'e kamni be fi lo bende be lo gugde cu cusku lu ai lo gugdejupu ratnejni cu snura ma'i lo munje xagrai li'u i lo na'e snura u'e nai cu claxu lo snura manri co fu'e munje xagrai fu'o ti'e i lu ue o'o nai za'o ranji djica li'u mi se pensi i je mi to'e se cinri se spaji

ni'o ca lo nu ku'i no fuzme be tu'a lo ratnejni ba'o se notci fi lo pulji lo zerflaka'i [to'i me la'o jupunu 検察 jupunu toi] kei lo fesygau be lo fagrikca'a cu se notci fi lo pulji lo zerflaka'i bu'u lo kluce'u i mi ca'o ku na ka'e jimpe lo du'u ma kau krinu lo munje fasnu je lo du'u ma kau ka snura je lo du'u ma manri lo ka snura je lo du'u ma'a zukte fi ma kau i a'o nai ka'e cmila po'o i ue lo fagrikca'a u'e nai i ue ki'u tu'a re vo mu fagrikca'a u'e nai se notci fi lo pulji lo zerflaka'i

li'u (to la kitaxaran minorin no'u la'o jupunu 北原みのり jupunu ciska fi'o selci'a cmene lu lo nu pajni tu'a lo te nuzba i ci pa mo'o li'u fi'o karni la cukan kiniobin no'u la'o jupunu 週刊金曜日 jupunu be de'i re no pa pa pi'e pa no pi'e ze fi'o papri lo vo vo moi toi)

i e'u lo zenba be fi pa fasnu cu te tavla ve cu'u lo valsi