lo ratni nejni fanri je lo ca tcini

ni'o lo ratni nejni dikca cfari fanri be bu'u la fukuciman noi pagbu be lo vi gugde jai ca raktu
.i je lo dirce ratni be ri'a lo zu'o ratni se fendi ca rinci
.i ri'a bo barda ke loldi se desku gije barda ke xamsi boxna de'i li renopapa pi'e ci pi'e papa

.i mi pu lazni lo nu cilre fi lo ratni nejni fanri
.i seki'u bo mi ca cinmo lo ka fuzme
.i .ei pe'i mi noi na zvati lo stuzi be lo nu balxai ca cilre

ni'o datni fa di'e a'a

.i ny.mai la akaxata noi djekarni de'i li renopapa pi'e ci pi'e pavo ve cusku lo du'u
la cimoi minji noi vi ke'a ba'o spoja cu zukte gije fedgau lo ratni be li sovo be'o joi lo ratni be li sore
.i la'e di'u cu vajni .i ku'i na cafne fa lo nu ri ralju se cusku vi lo drata nuzba karni

.i ny.mai la akaxata noi djekarni de'i li pamu ve cusku lu'e da poi simsa lu
lo girzu poi gidva ca lo tcini cu pagbu lo jecta girzu noi pu ca'o stidi lo ratni nejni dikca
.i seki'u bo cumki fa lo nu lo girzu bi'unai cu mipygau da poi to'e zabna
.i ja'ebo bilga lo nu gidva kei fa lo drata girzu noi na ckina loi stidi be lo ratni nejni dikca li'u

.i ny.mai la akaxata noi djekarni de'i li paxa ve cusku lu'e da poi simsa lu
lo vi jecta turni pu to'e tugni fi lo si'o gubgau lo pixra be lo balxai stuzi bei sepi'o lo datni benji ke rutni mluni po lo vi gugde kei tezu'e lo nu mipri fi loi gunta ti'e li'u

.i ny.mai la akaxata noi djekarni de'i li paze ve cusku lu'e da poi simsa lu
lo jecta turni cu cusku lu lo balxai noi na'e se kanpe li'u

.i ku'i vi lo diklo je jecta ke turni kamni pu jungau fo lo ckape be fi lo nu na ka'e lekygau vi lo ratni nejni fanri li'u

.i ny.mai la cukan.kiniobin noi jefkarni de'i li pabi ve cusku lu'e da noi ku'i na se birti zi'e poi simsa lu
lo pendo be da poi rivbi klama prenu cu cusku lo du'u na ka'e lo nu rivbi klama ki'u lo zai' na se curmi ki'u lo za'i cumki fa lo mu'e lamji lo se dirce be ri'a lo zu'o ratni se fendi li'u

.i ny.mai la .iomiurin noi djekarni de'i li pabi ve cusku lu'e da poi simsa lu
lo jecta turni be lo vi gugde pu to'e tugni fo lo nu se sidju fi lo nu lekygau vi lo ratni nejni fanri kei fe la usonon noi gugde .i ki'u bo djica lo nu rivbi lo nu lo fanri bi'unai cu binxo lo tolka'e se pilno li'u

.i xu la .usonon stidi lo si'o friti la boratan.atsidon noi se xukmi ku'o ja lo tilju djacu

.i va'o lo nu la boratan.atsidon cu xamgu tezu'e lo nu lekygau lo ratni nejni fanri minji ca troci lo nu lekygau sepi'o lo xamsi djacu ki'u ma

ni'o srana la libion noi gugde noi lo turni vi ke'a ca'o catra lo selgu'e

.i la cukan.kiniobin noi jefkarni de'i li pabi ve cusku lo du'u
la briton je la germanion je la frantsion je la .italion je lo drata gugde poi pagbu la europon cu vecnu loi xarci la libion gije se prali lo rupnu be li civono meg bei la euron

.i la frantsion je la briton je la .usonon ca gunta la libion