lo seljinvi selcusku be mi

ni'o mi vi fanva gije jarco lo seljinvi selcusku be mi ca lo purla'ima'i tezu'e loi jamna fapro jmaji

ni'o mi pu cusku lu

coi rodo
.i mi'e .okaun.junpen. .i mi xabju la .ikedas. .i .ai mi se tarmi lo xabju be lo vi tcadu gije cusku

ni'o ca lo purlamna'a panomuno verba be vi la .afganistan. cu se catra lo ralju merkos jenmi ti'e

.i lo la .nixon. ku cuxna krali prenu cu zanru lo va jamna

.i .ia ro nunjmive cu mintu dirba .i .ia lo nu lo la .afganistan. verba cu jmive cu dirba mintu lo nu mi'o jmive

ni'o ca lo purci ke nixon gunta jamna loi nixon prenu noi xamgu patfu gija speni vi lo ny zdani cu catra loi jungos prenu

.i ba lo nanca be li ji'i zeno da ba'o cenba ju'ocu'i .i ca ku mi'o na gunta lo drata gugde sepi'o lo jenmi .i ku'i lo mi'o kagni cu se jimca vi lo drata gugde tezu'e lo nu jinga loi tolkargu gunta .i seji'u ku lo mi'o kagni na jinvi lo du'u loi drata gugde gunka bo prenu cu mintu dirba pe'i

.i ne'i lo kagni so'i prenu cu tinbe lo jatna .i ku'i na'e mintu jinvi .i pe'i seji'u ku lo kagni cu simsa lo jenmi

.i mi ji'a gunta .i .ainai mi vi tavla fi lo selmipri be tu'a lo mi gunka stuzi .i ku'i mi djica lo nu cusku lo du'u mi ba'e senpi gunka

ni'o .au mi co'a zukte sezu'e lo nu pensi loi jibni

.i lo mi pendo noi tolclaxu lo menli raktu cu gunka vi lo steci gunka bo stuzi gije jerna lo rubni be li pareno be'o noi se parbi fi lo cacna be li pa .i pe'i tolpainu'i .i lo nu ni jerna na se jicmu lo nu ni sidju lo kulce'u .i lo ca seljerna be mi mleca lo rubni be li re ki'o ki'o be'o noi se parbi fi lo nanca be li pa .i ku'i mi ba'e na jinvi lo du'u da noi jerna pano roi lo mi seljerna cu sidju lo kulce'u panoroi lo nu mi sidju .i lo nu pajni lo nu ni sidju cu se jicmu lo nu makau pajni kei gije tolpainu'i lidne pe'i lo nu gasnu lo nu nandu fa lo nu renvi gija nalylacri bo jmive

ni'o mi ca cilre lo nixon ke xadni jarco bangu .i vi lo cukta sorcu dinju pe lo vi tcadu loi cukta be lo xadni jarco bangu na se punji fi lo kajna be tu'a lo bangu .i cy se punji fi lo kajna be tu'a lo nuntcuca be lo xadni ja menli raktu selclaxu verba .i cy se punji fi lo kajna drata sai .i jinvi lo du'u lo xadni jarco bangu cu bangu loi tolfadni prenu gije selpli kei fa ba'e lo tcadu ke cukta sorcu dinju ke'e prenu .i claxu lo nu nutli pajni tu'a lo bangu

ni'o .au mi tavla fi la glicos ji'a .i to'e painu'i fa lo nu pilno la glicos tai lo gugde kruca bangu .i .uanai na pilno la .esperantos. .i so'i bangu ca canci ri'a lo nu gunta platu bo cuxna tu'a lo bangu .i ku'i lo nu lo bangu cu canci ba'e na se krinu lo nu lo catni
bangu cu zmadu xamgu

ni'o vi lo vi girzu pe la so moi gugde bo flalu bandu loi prenu noi vrici jinvi cu jmaji .i mi jinvi lo du'u lidne lo panpi fa lo nu ranji cusku tu'a lo jibni tolpainu'i

.i la .xondan.katu.itin. noi mi sinma cu cusku lu ba'e lo logji be lo nu vimcu loi ruble ja loi cmalu girzu ba'e lo kulce'u ka gleki je lo kulnu ka farvi cu fatci bradi pe'i li.u

.i .au mi pensi makau poi fatci bradi gije zukte kansa do .i mu'o

li'u