.okaun. .junpen. no'u la .telesan. / OKAŬ Ĵunpe aŭ Telesa / OKAU Junpe eller Telesa / 大川純平 テレサ

di'e selsku mi bu'u lo ikedan rentcana dinju de'i li renoparepi'erepi'eso bu'u la'e lu au mi ji'a cusku li'u lu'u pe la ikedan ke so moi flalu bende

ni'o lu

coi ro do mi'e la okaun junpen noi xabju la ueikedan

ni'o lo gugde'afu nunjamna cu mulno ca ca'o na
i ca lo purlamna'a lo na'e sonci poi se catra cu cinorepa mei cu'u
i ri ca'o zenba
i lo namcu cu te sitna lo gugbe'e
i repano ra se catra ri'a tu'a lo gugde'usu joi ke drata gugde ke'e jenmi joi ke gugde'afu jecta
i lo temci be lo nu lo gugde'usu cu gunta lo gugde'afu cu nanca li panoji'ini'u
i je lo nunjamna cu mulno ca ca'o na
i la'e di'u cabna tcini

ni'o lo gugdejupu cu cirko fi lo pu nunjamna
i ba bo binxo lo jampe'o be lo gugde'usu gije binxo lo panpi za'adai
i ku'i lo gugde'usu cu jai ranji fai lo nu gunta lo drata gugde
i lo gugde'usu cu gugde gije gunta
i za'a lo gugde'usu xacygundi je lo ctile be tu'i lo drata gugde cu jai krinu
i lo gugde'usu se cu'u lo du'u lo sormemspoxa'i cu zvati lo gugde'ike cu gunta ri
i ku'i lo sormemspoxa'i cu na zvati
i je ja'o de'u se maljifsku
i fe lo gugde'afu lo gugde'usu cu gunta ki'u lo ti'e nu venfu fi lo niuiok nungunta be de'i li renonopapi'esopi'epapa

ni'o na ku lo gugdejupu cu jai nalra'a
i to'o lo gugde'usu jemtcana be tu'i lo gugdejupu te zu'e lo nu gugde'ike nunjamna ja lo gugde'afu nunjamna cu muvdu fa lo gugde'usu jenmi
i lo gugdejupu cu pilno fi tu'a lo gugde'usu jemtcana ku bi'unai fe lo jdini banli noi rupnu li zenono ki'o meg

ni'o cafne se cusku fa lo du'u ma kau fasnu mu'ei lo du'u lo gugdekupu ja lo gugdecunu cu gunta zo'i
i ku'i pu lo nu xanka lo si'o se gunta mu'ei kei y
i ca'a gunta lo drata gugde fa lo gugde'usu
i mi'o poi jampe'o lo gugde'usu cu gunta
i ei e'u di'e se pensi
i lo [to'i selpau ke toi] ratnenxa'i cipra tolcurmi selnu'e cu se zanru lo gugde'usu na
i lo nu lo gugde poi ponse lo ratnenxa'i cu cusku lo du'u ei na ku lo drata cu ponse ri cu tugmu'i na
i ie pei lo nu pa mai sisti lo nu gunta cu jicmu

ni'o lo xarci cu se pilno te zu'e lo nu catra se ju xrani lo prenu
i lo nunji'i be lo ba'o se catra ka'e nai se jinga za'u re'u
i lo nunjamna cu se rinka tu'a lo selgu'e
i ja'o lo nunjamna cu se fanta ka'e ku mu'ei lo du'u lo nu no'a cu se djica
i e'u nai pensi lo si'o lo nunjamna cu sarcu kei gi'e zgana se zu'e no drata
i e'u gau ku manri fa lo se catra
i ei pei fau la'e di'u cfari gau
i pu lo nu cusku lo du'u na djuno lo du'u ei ma kau se zukte cu pa mai jarco tu'a lo nabmi
i ei pei fau la'e di'u cfari gau
i lo nunji'i be lo ba'o se catra ka'e nai se jinga za'u re'u
i ra'unai cusku lo du'u na djuno lo danfu
i ra'u do'anai pensi lo du'u zukte makau fi'o te frati
i ei pei fau la'e di'u gau cfari

ni'o lo gunta nunjamna cu se rinka tu'a na'e bo lo prenu poi so'u mei
i cfari fau lo nu mi'o tinbe lo catna
i cfari fau lo nu fesgau lo rolpretrusi'o
i fi'o se pensi di'u lo tadji be lo icin jecra'abe'e noi se jatna la xacimoton torun cu ckape
i la xacimoton torun ca lo nu jatna lo osakan gugypau pu ku cu gasnu lo nu lo kimigaion kilitsun flalu noi na ku jai se cusku je jai se nupre pu ku fau lo flakamni cmima nuncu'a cu jai se jdice ta'i tu'a lo so'imei noi icin jecra'abe'e cmima
i sanga la kimigaion noi gugde selsa'a ku'o na ku gija sanbi'o fau na ku vau fa lo prenu poi no'a ki'u lo nu zungi tu'a lo gunta nunjamna
i sfasa lo na'e sanbi'o fau lo nu na ku pensi di'u kei fa lo ckaji be lo se tarti be lo catni poi na sai zungi tu'a lo nunjamna ku'o
i je lo prenu poi me la'e di'u cu mutce lo ka ckape
i ji'a lo nu tu'i lo ckule noi se zvati lo verba cu jarco tu'a la'e de'u lo verba kei noi se bebna cu se gasnu la xacimoton torun

ni'o lo gugdejupu cu gugde pe lo flakamni rolpretrusi'o
i ie na ku ro da se cenba lo nuncu'a ka'e
i ku'i lo so'o mei cu se cenba lo nuncu'a ku po'o ka'e
i lo nuncu'a cu nu cuxna lo prane kei na je nu gasnu lo nu lo xlali traji cu se cuxna na
i lo nu na zukte lo nuncu'a cu mintu lo nu curmi lo nu lo xlali traji cu se cuxna
i mi cpedu do poi nuncu'a se krali ku'o lo nu zukte lo nuncu'a fau lo nuncu'a ba
i mu'o

li'u

ni'o la xacimoton torun de'i lo mintu cu ji'a gasnu lo nu lo osakan tcadu se jecybriju cu spuda lo preti be lo jecra'a sidbo