la .xondan.katu,itin. je la akaxatas. noi djekarni

.i vi lo pamoi papri be la .akaxatas. noi djekarni be de'i li pa pi'e ci pa kei to karni fi lo kaurpo'esi'opre trusragri pe la .nixon. noi gugde toi la .xondan.katu,itin. goi ko'a cu cusku .uicai

.i ko'a na pu cusku vi la .akaxatas. ze'a lo nanca be li ci pe'i fi'o nafmupli lo tcidu xatra

.i pu lo nanca be li ci mi co'a te vecnu je tcidu la .akaxatas. .i'unai dai gije mutce lo ka gleki ca lo nu facki lo du'u ko'a .ue dai ji'a te vecnu je tcidu le mintu djekarni

.i ji'a la .akaxatas. noi gasnu lo mu'e vi lo pamoi papri cu vasru lo pagbu ji'a po'u lu karni fi lo trusragri .ije tolclaxu lo jimte be ki'u la'e di'u li'u kei se sinma mi

.i ba so'o djedi lo tcidu xatra pagbu cu vasru lo xatra be fi ko'a noi cusku lo du'u ko'a pu djica lo nu cusku tu'a lo drata tcini ji'a kei fau lo nu na banzu fa lo te kancu be lo'i lerfu be'o noi jai se curmi .i ji'a vasru lo xatra be fi lo drata prenu fo ko'a .i le xatra zo'u cusku lo du'u lo bersa be lo te xatra pu nelci ko'a .i lo nu tcidu di'u kei po'o cu rinka lo mu'e da'i mi co'a jimpe fi le bersa kei je lo mu'e se klaku